Bloggoppgåve 1: Presentasjon av meg sjølv!

Fyrste oppgåve ut er å lage ein presentasjon av meg sjølv ved bruk av levende bilder og lyd, med hjelp av digitale verktøy.

Vi vart oppfordra til å bevege oss ut av komfortsona, for meg var det enkelt å finne ut kva eg skulle gjere - ha med ein film om meg sjølv som prata. der eg presenterer meg sjølv. Å høyre mi eiga stemme på opptak liker eg ikkje, og dele det med andre liker eg mindre - likevel har eg vald å bevege meg ut av komfortsona.

Eg skulle også fortjele kva eg ville få ut av dette kruset. Eg tenkte at eg måtte finne eit verktøy som eg seinare sjølv kunne bruke i undervisning og valet falt på Storybird (<-trykk på for å kome til nettstaden), etter eg hadde vore innom fleire alternativ. Storybird har eit stort arkiv bileter som ein kan ta i bruk for å lage ei digital forteljing/bok ved å bruke sine eigne ord. Eit stort pluss er at dette programmet er gratis og er laga for bruk i skulen.
Når eg starta vart det ein del prøving og feiling - eg måtte finne ut korleis det virka og til slutt fekk eg laga meg ei lita bok. Den kan du lese her(<- trykk) - men den kjem også som ein del av filmen. For å få bileta i boka med i filmen tok eg i bruk funksjonen print screen og programmet paint, slik at det vart lagra som bileter på datamaskina mi.

Til å redigere alt i lag brukte eg Windows movie maker. Eit program eg likar godt som eg har brukt som elev/student, lærar og eg har latt elevane mine bruke dette. Eg tenkte her det var greit å bruke eit program eg var godt kjend med som fungerar godt. Utfordringa her var at bileta frå storybird vart litt kornete, dette prøvde eg å endre ved å lage bileter i ulike filformat utan hell.

Ein lærdom eg har tatt med meg i frå DKL 101-102 og erfaring frå jobb er at det er viktig at verktøya ein vel ut er gratis eller lite kostbare og at det krev lite utsyr. Programma eg har brukt er derfor gratis og telefon og pc er det eg har brukt av utstyr.