Bloggoppgåve 5: Refleksjon rundt problemsløysing og læringsprosessar.

I denne oppgåva kjem eg til å reflektere over korleis eg går fram når eg skal lære noko nytt og. Eg vil også skrive litt om forandringa før og etter DKL.

Når eg skal arbeide med eit nytt tema eller emne må eg fyrst skaffe meg ei lita oversikt. Prøve å få tak i kva det handlar om eller finne måla på kva eg skal lære.
Eg tenkjer eg jobber veldig ulikt om eg skal lære meg ny teori eller om det er eit nytt verktøy eg skal bli kjend med. Når det er ny teori må eg sette meg ned å lese, Møter eg på ting som er vanskelege eller ikkje heilt forstår prøver eg å finne bøker eller nettstader for å prøve å forstå ved å få ein anna innfallsvinkel

I praktiske oppgåver er prøving og feiling alfa omega for meg. Aller best når eg skal jobbe med nye program synast eg det beste er å få prøve seg fram, og teste ut. Nokre gonger går det, andre gonger ikkje. Dette er metoden som gjer at eg lærer best. Eg kan gjerne lese ei bruksanvisning/forklaring, men då må dette vere medan eg arbeidar med oppgåva. Det beste er å ty til forklaring når eg støter på eit problem, då har eg noko konkret eg må leite etter og finne svaret på. Når eg då står fast og må finne eit svar på eit problem tyr eg til Google, om det blir ein intriduksjon på den orginale nettstaden, ein tutorial eller eit forum eller ein anna nettstad med svar kjem litt ann på kva eg fyrst kjem innom som er godt forklarande.

Ettersom eg har tatt  litt DKL frå før og vore veldig glad i å bruke data og digitalt utstyr i undervisning tenker eg at det ikkje har skjedd ei stor endring i lærerrolla hos meg etter DKL 114. Likevell har eg med meg ein god del nye verktøy som eg gleder meg til å ta i bruk i undervisning.
Ein ting som har endra seg er kva eg tenker om barn og unges digitale kultur og kva innblikk eg treng å ha til det. Før har eg tenkt at det er ikkje så viktig som eg no ser at det er. At ved å kjenne til deira digitale mediekultur vil eg lettare kunne møte dei på deira nivå og lære dei om nettvett og god mediebruk.